Nuk iu hap parashuta, 18 vjeçarja dhe instruktori i saj vdiqën pasi u hodhën nga fluturakja në SHBA

Amerika

Nuk iu hap parashuta, 18 vjeçarja dhe instruktori i saj vdiqën pasi u hodhën nga fluturakja në SHBA

Më: 20 korrik 2020 Në ora: 23:29
Foto ilustrim

Një vajzë 18 vjeçare nga SHBA-ja si dhe instruktori i saj, ndërruan jetë pas hedhjes me parashutë në Georgia.

Sipas mediave të huaja, Jeanna Triplicata dhe instruktori i saj me përvojë, ndërruan jetë të dielën, kur diçka nuk shkoi mirë me kërcimin e tyre në qytetin e Thomaston.

“Ne prisnim që ajo të zbarkonte në tokë, dhe të flisnim me të. Është kaq e rëndë për ne”, tha babai i saj për CNN.

Image

Bëhet e ditur se 18 vjeçarja si dhe instruktori i saj Nick Esposito, 35 vjeç, vdiqën të dy në vendin e ngjarjes, thanë autoritetet.

Ndërkohë policia është duke e hetuar incidentin.

“Pas kërcimit nga fluturakja, parashuta dështoi të hapet siç duhet dhe u fut në një rrotullim”, tha polici i rajonit Dan Kilgore.

“Parashuta e urgjencës nuk u hap plotësisht”, shtoi ai.

Kilgore potencoi se Esposito ishte një zhytës me përvojë dhe një punonjës i Skydive Atlanta, me qendër në Aeroportin e Qarkut

Image

Thomaston-Upson, rreth 60 milje në jug të Atlantas.

Në vitin 2019, pati 15 aksidente fatale në SHBA me rreth 3.3 milionë kërcime, sipas Shoqatës së Parashutistëve në vend.

Shfaq komentet
comments powered by Disqus
Sot mund të lexoni Shfletoni kopertinat