Numri i viktimave nga coronavirusi në SHBA rritet në 140 mijë

Amerika

Numri i viktimave nga coronavirusi në SHBA rritet në 140 mijë

Më: 19 korrik 2020 Në ora: 18:30
Foto ilustrim

Numri i përgjithshëm i viktimave nga coronavirusi në SHBA u rrit në 140 mijë, ndërkaq vendi së fundmi ka shënuar rritje ditore të rasteve të reja.

Sipas mediave të huaja, bazuar në të dhënat e fundit të Universitetit John Hokpins, numri i të infektuarve në vend u rrit në 3.7 milionë.

Vlerësohet se rreth 5,000 njerëz vdesin çdo javë nga coronavirusi në SHBA, ndryshe nga Kanadaja e cila që nga shpërthimi i pandemisë ka raportuar në total rreth 8,800 të vdekur.

Bëhet e ditur se SHBA-ja është vendi më i goditur në botë nga pandemia e COVID-19.

Duke analizuar situatën e tanishme në vend, eksperti i lartë i sëmundjeve infektive në vend, Anthony Fauci, ka deklaruar të shtunën se SHBA-ja rrezikon të përballet me nga 100 mijë raste në ditë. 

Shfaq komentet
comments powered by Disqus
Sot mund të lexoni Shfletoni kopertinat