Krasniqi -  i kënaqur me lojtaren nga Amerika, me mendje të derbi në Gjilan

Volejboll

Krasniqi -  i kënaqur me lojtaren nga Amerika, me mendje të derbi në Gjilan

Nga: Kemajl Goca Më: 28 tetor 2020 Në ora: 20:27
Krasniqi -  i kënaqur me lojtaren nga Amerika, me mendje të derbi në Gjilan

Kryetrajneri i M-Technologie nga Prishtina, Naser Krasniqi, është i kënaqur me lojën që treguan volejbollistet e tija kundër Skenderajt. M-Technologie, kampione në fuqi, ka triumfuar me rezultat 3:0 ndaj Skenderajt, në takimin që u zhvillua në palestrën e sportit “1 Tetori” në Prishtinë.

Derbi në mes të dy ekipeve që ishin edhe finalist nga edicioni i kaluar e arsyetuan veten në një lojë mjaft të fortë dhe të nivelit evropian.

“Ekipi ynë ka bërë një paraqitje të mirë përkundër faktit se nuk kem pas asnjë loje kontrolluese para kampionatit.

Image

Unë jam i kënaqur edhe me paraqitjen e lojtareve të ardhura këtë vit tek ne si Vesa Shabani dhe Loresa Avdyli po edhe lojtares nga Amerika Kaiu Ahuna, të ndihmuara nga lojtaret me përvojë Drenusha Asllanaj, Shqipe Kçiku, Lianma Flores Linda Selmani etj.  Tani na pret derbi i radhës ndaj KV Dritës se Gjilanit në Gjilan dhe presim rezultat pozitiv”, tha Krasniqi për gazetën kombëtare “Bota sot”.

Image

M-Technologie nga tre ndeshje ka po aq fitore dhe së bashku me Dritën kryesojnë renditjen me 9 pikë të mbledhura.

Image

Pamje nga ndeshja

Shfaq komentet
comments powered by Disqus
Sot mund të lexoni Shfletoni kopertinat