Harxhi: Rama, dëshirë të madhe për rol ndërkombëtar. Ja pse e shkarkoi Bushatin

Shqipëria

Harxhi: Rama, dëshirë të madhe për rol ndërkombëtar. Ja pse e shkarkoi Bushatin

Më: 12 janar 2021 Në ora: 23:59
Edit Harxhi

Në një lidhje direkte nga Turqia për emisionin “Tempora”, ish zv.ministrja e jashtme Edit Harxhi, teksa komentoi “ndërmjetësimin” e kryeministrit Edi Rama sa i përket takimit Turqi-Greqi, u shpreh se kryeministri shqiptar dëshiron të ketë një rol ndërkombëtar.

Sipas saj, kjo ishte edhe arsyeja pse u shkarkua Ditmir Bushati si ministër i jashtëm pasi Rama donte ta drejtonte vetë presidencën e OSBE-së.

Edit Harxhi: Në një farë mënyre ai e nisi me Kosovën. Më pas ai vazhdoi me ndërmjetësime të tjera. Ai vazhdoi me OSBE-në mund të them. Kini parasysh, gjatë kohës që të gjithë ne mendonim se largimi i Ditmir Bushatit si ministër i jashtëm u bë thjesht se ai kundërshtoi çështjen e ndryshimit të kufijve, unë nuk mendoj se ka qenë e tillë. Unë mendoj se e gjitha ka qenë e kalkuluar nga zoti Rama sepse vetë Rama donte të drejtonte presidencën e Shqipërisë në OSBE. Unë mendoj se zoti Rama ka një dëshirë shumë të madhe për të patur një rol ndërkombëtar.

Unë nuk shoh ti shtoj pikë Shqipërisë. Produkt final nuk kam parë ende. Nëse produkt final pas 8 vitesh qeverisjeje marrim Spitalin e Fierit produkt final të marrëdhënieve Shqipëri-Turqi atëherë unë nuk arrij ta kuptoj se, Spitali i Fierit me ato miliardat harxhon me PPP do të ishin bërë nja 15 spitale.

Shfaq komentet
comments powered by Disqus
Sot mund të lexoni Shfletoni kopertinat