Ministrja Ogerta Manastirliu duke folur në emisionin Open në Top Channel ka thënë se fillimisht do të nis vaksinimi për mbulimin e 20% të popullsisë.
Sipas saj janë 568 mijë persona që do të vaksinohen apo 1.2 milionë vaksina.
Më tej ajo ka shtuar se do të përpiqen që të vaksinohet e gjithë popullata nga 16 vjeç e mbi.
”Do jenë mjekët. Do jenë ata mbi 75 vjeç dhe do të jetë vaksinim i kombinuar. Ka persona që jetojnë në shtëpitë e të moshuarve dhe ata do jenë të parët. Për të ulur riskun. Në të gjithë botën ka qenë problematikë përhapja e virusit në azile,”-tha Manastirliu.
Ajo shton më tej:
“Po i përdorim dhe do i përdorim për kategoritë e riskuara. Sigurisht që ka disa elementë për të sqaruar. Zgjerimi i fushatës. Për të frenuar përhapjen e virusit është qëllimi i parë. Do të kalojmë në fazën e sulmit. Ne kemi një armatë shumë të mirë dhe i kanë dhënë provat. Kemi një instrument të fuqishëm. Do të vijojmë dhe të kemi kanale të tjera për doza të tjera. Vaksina e Pfizer është e mbyllur por presim Covax që kemi paguar 4 milionë dollarë. Dhe në muajin shkurt mund të ketë vaksinat e para. Kemi siguruar 500 mijë. Synimi është të mbulojmë të gjithë popullatën. Ka vaksina me target të ndryshëm se Pfizer nuk e lejon nën 16 vjeç. Nga ana tjetër është se ne kemi negociata me vende të BE për blerje dozash të vaksinave. Po ju them se masa e fillimit të vaksinës është 568 mijë qytetarë apo 1.2 milion dhe më pas shtrihet në të gjithë popullatën.”