Covid-19 “mbyll” Korçën, qyteti juglindor “zonë e kuqe”

Shqipëria

Covid-19 “mbyll” Korçën, qyteti juglindor “zonë e kuqe”

Më: 11 nëntor 2020 Në ora: 14:27
Korçë

Qyteti i Korçës është përfshirë në hartën e zonave të kuqe për shkak të numrit të lartë të të prekurve me Covid-19.

Shifrat në rang qarku kanë arritur deri të martën në 1528 të infektuar, ndërkohë që betejën me Covid 19 nuk kanë mundur ta fitojnë 41 pacientë.

Situata e rëndë, paraqitet në institucionet arsimore, ku që prej fillimit të vitit të ri shkollor janë infektuar rreth 220 mësuses të qarkut juglindor.

Rrethi i Korçës ka 50 mësues aktivë, rrethi i Pogradecit 20 ndërsa 30 arsimtarë të shpërndarë në Devoll , Kolonjë e Maliq.

Njësia vendore e kujdesit shëndetësor ka pranuar rastet e shtuara në stafet arsimore por nuk i konsideron si vatra infektimi.

“S’mund të themi vatra, sepse mësues kemi në shkolla dhe në kopshte,por jo që kanë qenë vatra sepse kanë qënë nëpër shkolla të ndryshme, pavarsisht numrit të rritur të mësuesve” është shprehur epidemiologe, Rita Kroi.

Përsa i përket nxënësve të prekur bëhet e ditur se janë raste infektimi nga familjarët e tyre, por numri është relativisht i ulët.

Sipas të dhënave zyrtare, 41 persona nga ky qark po marrin trajtim spitalor dhe 716 janë të vetëizoluar në shtëpi. 

Shfaq komentet
comments powered by Disqus
Sot mund të lexoni Shfletoni kopertinat