Virusin që po bën kërdi në botë e zë një lugë çaji!

Shkencë & Teknologji

Virusin që po bën kërdi në botë e zë një lugë çaji!

Nga: B.S. Më: 18 nëntor 2020 Në ora: 08:36
Ilustrim

Sasia totale e patogjenëve të koronavirusit, me të cilën janë infektuar 53 milionë njerëz në të gjithë botën, mund të mbushë pak më shumë se një lugë çaji, ka llogaritur matematikani australian Matt Parker. 

Me fjalë të tjera, nëse mbledhim të gjithë patogjenët që kanë infektuar 53 milion njerëz në botë deri më tani, do të fitonim vëllimin prej tetë mililitrash lëng, shkruan Daily Mail, duke shtuar se një lugë çaji mund të mbajë afërsisht gjashtë mililitra lëng. 

Matematikani Matt Parker bëri disa supozime për të arritur në numrin e përmendur, por thotë se edhe në projeksionin më të madh të vlerësimeve të tij, e gjithë sasia e koronavirusit do të mund të futej në një gotë rakie, që është rreth 45 mililitra lëng. 

"I gjithë kaosi që ka lindur në botë ... është problem të cilin mund ta zërë një lugë çaji", ka thënë ai në podcastin e tij me titull "Problem Solved". 

"Grimcat e koronavirusit janë shumë të vogla, ato janë thjesht kod që shkatërron qelizat e shëndetshme", shpjegon Parker. 

Në fakt, Covid-19-shi është një milion herë më i vogël se një qelizë njerëzore dhe Parker, si kontribues në një emision shkencore të BBC-së, bëri vlerësimin e tij të numrit të qelizave në secilin të sëmurë nga virusi bazuar në ngarkesën virale të matur nga tamponët, përkatësisht në hulumtimin e botuar në revistën mjekësore Lancet. 

Duke përdorur shifrën e 300,000 rasteve të reja të përditshme të infeksionit në botë dhe duke supozuar se çdo person është infektues për 14 ditë, ai llogariti numrin e njerëzve që aktualisht janë bartës të virusit. 

Kur të gjitha i shumëzoi, llogariti se të gjitha ata së bashku në trup kanë 3.3 kuadrilion qeliza të Covid-19-shit.

Shfaq komentet
comments powered by Disqus
Sot mund të lexoni Shfletoni kopertinat