Një qytetar egjiptian që jeton në Kuvajt hodhi nga pakujdesia 8,000 dinarë të kuvajtianë (rreth 22,000 euro) në plehra, shkruan Al Khaleej Today, e përditshme nga Emiratet e Bashkuara Arabe.
Pasi tërhoqi para nga banka, burri identiteti i të cilit nuk u bë i ditur, vendosi të gjitha kartëmonedhat në një qese të madhe plastike në qytetin Jabriya në Kuvajtin perëndimor.
Kur ka dalë nga shtëpia për të hedhur mbeturinat, egjiptiani u ngatërrua, kështu që në vend të qeses me plehra, kapi qesen me kartëmonedha.
Ai e zbuloi ngatërrimin vetëm kur shkoi për të kontrolluar paratë nga banka. Më kot vrapoi në rrugë ku, për keqardhjen e tij, vetëm mundi të shihte se kamioni i higjienës tashmë i kishte zbrazur koshat.
Sipas të përditshmes kuvajtiane Al-Rai, egjiptiani fatkeq iu drejtua autoriteteve lokale për ndihmë dhe ua tregoi konfirmim bankar për tërheqjen e parave.
Policia lokale ka filluar hetimin, por gjasat që paratë e humbur të kthehen janë të vogla.