Gjithsej 3486 raste aktive me COVID-19 në Maqedoni, nuk pritet fluks më i madh në spitale

Maqedonia

Gjithsej 3486 raste aktive me COVID-19 në Maqedoni, nuk pritet fluks më i madh në spitale

Më: 14 korrik 2020 Në ora: 08:51
Foto ilustrim

Numri i përgjithshëm i të infektuarve me COVID-19 në Maqedoninë e Veriut ka arritur në 8197, prej të cilëve raste aktive për momentin janë 3486. Janë shëruar 4326, ndërsa kanë ndërruar jetë 385 pacientë.

Numri më i madh i rasteve aktive është në Shkup – 1788, pastaj në Tetovë – 292, Kumanovë – 194 dhe Dibër 151.

Kurse në komunat e Shkupit, numër më të madh të rasteve aktive ka Çairi – 302, Aerodromi – 162 dhe Buteli – 135.

Ministri i Shëndetësisë Venko Filipçe, tha se nuk pritet fluks më i madh i pacientëve nëpër spitale dhe shtoi se trendet ende janë të përqindjes së njëjtë të rasteve të reja nga numri i tërësishëm i testimeve.

“Kapaciteti nëpër spitale po menaxhohet mirë edhe në lidhje me rotacionin e kuadrit edhe në lidhje me shtretërit e lirë”, tha dje Filipçe.

Gjithsej janë hospitalizuar 92 pacientë, në mbështetje të oksigjenit janë 52, ndërsa nuk ka asnjë pacient në aparat respirator.

Shfaq komentet
comments powered by Disqus
Sot mund të lexoni Shfletoni kopertinat