Edhe në këto ditë të vështira, në kohë pandemie, ka njerëz shpirt sportisti, vullnet mirë dhe që nuk hezitojnë t'i ndihmojnë klubet.
Blerta Berisha-Rama, dashamire e zjarrtë e sportit, ndihmon me fanella sportive kampionen e Kosovës në hendboll (femrat), Ferizaj.
Ajo është krenare për sportin femëror që gradualisht po masivizohet në çdo degë sportive dhe beson e shpreson se gradualisht do të rritet në cilësi.
Blerta është shefe e Women’s Gym dhe mendon se është një ndihmë solide me fanella dhe tuta sportive për kampionen para ndeshjeve të Kupës së Evropës. Vlera e fanellave e kap shifrën 1800 euro.
Drejtuesit e klubit Ferizaj iu janë mirënjohëse për ndihmën në ditët më të vështira dhe që ka vlerë të madhe.
Kjo ndihmë motivon edhe më shumë hendbollistet ferizajase dhe iu janë mirënjohëse Blertës.
Ferizajaset synojnë paraqitje sa më të mirë kundër ekipes turke “Bajrampasha Belediye”.
Blerta tha se sportin e ka për zemër dhe dëshiron që ta shoh sa më mirë sportin femëror, me rezultate dhe suksese në rrafshin kombëtare dhe ndërkombëtar.