Klubet e hendbollit janë në stres të edicionit të ri jo vetëm të Kampionatit të Kosovës, por edhe për garat evropiane.
Kosova përfaqësohet me pesë klube në garat evropiane, Besa Famgas, Prishtina (meshkuj), Ferizaj, Vushtrria dhe Istogu (femrat).
Shtete shumë më të forta kanë reduktuar numrin me ekipe për garat evropiane, ndërsa Kosova në këtë fukarallëk me pesë klube ia mësyjnë Evropës, aq me tepër disa klube mezi e kryejnë kampionatin në vendin tonë.
Çuditë ndodhin vetëm në Kosovë dhe askund tjetër, xhepin bosh dhe këndej me krenarinë e pjesëmarrjes në garat evropiane.
Më mirë me dy klube por me kushtet që i kanë se sa me pesë që po shkojnë, e shumica mezi gjejnë mjete për të udhëtuar, si ndodhi vjet rasti i Kastriotit të Ferizajt (meshkujt), të cilët mezi i gjetën paratë dhe që besa edhe u bënë “rezil”! Më 1 shtator tërhiqet shorti për garat evropiane!