Veprimtari i shquar i hendbollit dhe në kohën e Gjeneratës së Republikës, Hasan Shala, shprehet kritikë me zhvillimet e fundit në sportin e Kosovës.
Ai e komenton edhe shkrimin e trajnerit të mirënjohur të futbollit, Abaz Kosumi, kur thotë: “KOK-u dhe federatat të ulen urgjentisht, të dalin me një qëndrim...”.
“Prekja e temave të tilla do një studim kuptimplot nga ekspertët e lëmive adekuate të sporteve përkatëse.
Baca Abaz ka qëlluar mu në qendër, mirëpo në kohën kur të gjithë duhet të ishin në aktivitetet përgatitore si në tëre globin si duket kemi ra në gjumin e ariut polarë.
Mendoj se me njerëz demode dhe të “inkriminuar” në institucione sportive duke filluar nga KOK e ca tjera do të vendnumërojnë dhe do të dalim me traktor pa rimorkio.
Strategjinë e daljes nga kjo amulli duhet kërkuar nga baza/ klubet të cilat garojnë në ligat e ndryshme të sporteve të ndryshme,
Komunat si themeluese e shumicës së tyre, Federatave e pastaj KOK dhe së fundi të del para organizmave përkatëse shëndetësore dhe Ministrisë përkatëse.
Prapë mendoj se kjo mund të arrihet me gjak të rinj, njerëz të përkushtuar sportit e jo me puthadorë e servilë të cilët i ruajnë privilegjet e tyre disa syresh për më tepër se 20 vite në kolltuqe të cilat assesi nuk i meritojnë!
Respekt dhe shëndet të gjithë sportistëve dhe njerëzve vullnetëmirë të sportit!”, komenton Shala.