Hendbolli e përmbylli për mrekulli edicionin e fundit në Superligën e Kosovës në hendboll, duke nxjerrë kampionët Besa Famgas (meshkuj) dhe Ferizaj (femra) dhe fituesit e Kupës Besa Famgas (meshkuj) dhe Vushtrria (femra).
Tani mendojnë për edicionin e ri dhe me gjasë mund të fillojë me 26-27 shtator eventualisht edhe me 3-4 tetor!
Opsioni mund të jetë edhe data 19-20 shtator, por ky variant është më i keqi sepse klubet nuk mund të përgatiten sa duhet! Në anën tjetër ende nuk dihet se kur do të fillojnë klubet me stërvitje, për shkak se hëpërhë janë të ndaluara stërvitjet për arsye që janë të kanosur nga Covid 19.
Klubet tani duhet të mendojnë që edicioni i ri po afrohet, së shpejti pritet të merret edhe vendimi që t’ju lejohet klubeve që të stërviten dhe të garojnë. Bordi i FHK-së duhet së shpejti të vendos datën e nisjes së kampionatit dhe që të hidhet edhe shorti për edicionin e ri!