Kryetari i Gjilanit, Lutfi Haziri, në mbledhjen e Komitetit për menaxhimin dhe parandalimin e përhapjes së COVID-19, ka bërë të ditur se deri tani 750 qytetarë janë të infektuar me koronavirus.
Në këtë takim u bë e ditur se 529 persona janë shëruar nga koronavirusi, ndërsa numri i rasteve aktive ka arritur në 191.
Kreu i Gjilanit, Lutfi Haziri, u ka bërë thirrje qytetarëve dhe bizneseve që t’i respektojnë masat anti-COVID.
“Apeloj që t’i respektoni masat mbrojtëse, maskat, distancën sociale dhe mbajtjen e higjienës kundër virusit të panjohur. Virusi nuk pyet çka e kush je. Të rrëzon përtokë e të merr me vete nëse nuk ruhesh”, ka thënë Haziri.