Në Spitalin e Përgjithshëm të Gjilanit janë infektuar me koronavirus 13 punëtorë shëndetësorë.
Drejtori klinik i këtij spitali, Ukshin Ismajli, ka thënë se punëtorët shëndetësorë që janë infektuar me koronavirus janë në vetizolim.
“Për momentin janë 13 punëtorë shëndetësorë të infektuar me koronavirus dhe janë në vetizolim”, ka thënë Ismajli.
Ai tutje ka shtuar se janë duke u ballafaquar me vështirësi sa i përket gjendjes me oksigjen, por sipas tij për momentin janë duke e menaxhuar situatën.
“Kemi vështirësi, por për momentin jemi mirë, vështirësi ka”, ka thënë ai.