Rëndohet gjendja në Spitalin e Gjilanit, 13 punëtorë të infektuar me koronavirus

Gjilani

Rëndohet gjendja në Spitalin e Gjilanit, 13 punëtorë të infektuar me koronavirus

Më: 18 gusht 2020 Në ora: 22:13
Foto ilustrim

Është rënduar gjendja në Spitalin e Përgjithshëm të Gjilanit, pasi nga COVID-19 janë prekur edhe punëtorë shëndetësorë të këtij spitali.

Drejtori klinik i këtij spitali, Dr. Ukshin Ismaili, ka bërë të ditur se aktualisht janë 13 punëtorë shëndetësorë që janë të infektuar me coronavirus.

“Për momentin janë të infektuar 13 punëtorë shëndetësorë. Ju urojmë shërim të shpejtë dhe rikthim në vendet e punës. Personeli shëndetësorë përballet çdo ditë më sfidën e quajtur COVID-19, por besojmë që do t’ia dalim”, ka thënë Ismaili.

Ai ka konfirmuar se që nga fillimi i përballjes me pandeminë, janë infektuar 38 punëtorë shëndetësorë, 12 prej të cilëve janë mjekë, 20 infermierë dhe 6 persona të tjerë që janë staf ndihmës.

Shfaq komentet
comments powered by Disqus
Sot mund të lexoni Shfletoni kopertinat