I papërgjegjshëm

Formula 1

I papërgjegjshëm

Më: 21 gusht 2020 Në ora: 14:08
I papërgjegjshëm

Piloti francez Johann Zarco (motori Ducati Avintia) është konsideruar si fajtor për aksidentin e 5 ditëve më parë në garën e Çmimit të Madh të Austrisë në Moto GP, zhvilluar në pistën e Spielberg.

Për pasojë, ai do ta nisë garën e radhës, atë që zhvillohet këtë fundjavë po në pistën austriake (gara e Çmimit të Madh të Stiria) nga “pit lane”. Pra, ai do ta startojë garën pasi të jenë nisur gjithë të tjerët.

Komisarët e Moto GP e kanë konsideruar si një pilotim të papërgjeshëm atë të francezit Johann Zarco, ndaj kanë vendosur të dënojnë atë. Në garën e fundit, Zarco dhe italiani Morbidelli u përfshinë në një aksident të frikshëm në pistë.

Motorët e tyre fluturuan mbi kokat e pilotëve të tjerë, duke rrezikuar të përplaseshin me dy pilotët e Yamaha, Vinales e Rossi. Sidomos italiani rrezikoi shumë, pasi i kaloi motori pak centimetra para fytyrës në kthesë.

Gjithsesi, prania e Zarco në pistë këtë fundjavë është ende në dyshim. Pas aksidentit ai u dëmtua dhe u operua, ndaj gjendja e tij do të monitorohet nga mjekët, që do të japin “OK”-in. Në provat e lira që zhvillohen ditën e premte ai nuk do të marrë pjesë.

Shfaq komentet
comments powered by Disqus
Sot mund të lexoni Shfletoni kopertinat