Kryetari i Kuvendit të Odës Ekonomike dhe njëherësh pronar i kompanisë “Sharr Travel”, Ruzhdi Kurtishaj, ka ngushëlluar familjen dhe gjithë miqtë e biznesmenit Latif Kryeziut, pronar i kompanisë “Shell Kosova” i cili ka ndërruar jetë sot, përcjell Bota sot.
Përmes një postimi në Facebook, ai ka thënë se Kryeziu ka qenë shtylla e sektorit privat dhe mbështetës i madh i Odës Ekonomike të Kosovës.
Postimi i tij i plotë:
Me dhimbje të thellë morëm lajmin për ikjen tuaj në amshim.
Ishe shtylla e sektorit privat dhe mbështetës i madhë i Odës Ekonomike tē Kosovës.
Në cilësinë e Kryesuesit të Kuvendit dhe antarëve tjerë të Kuvendit të Odës Ekonomike të Kosovës shprehë ngushllimet të sinqerta familjes, farefisit dhe gjithë shoqërisë.
Të çoftë i lehtë dheu i Kosovës miku im Latif Kryeziu!