Popova për Haxhi Krasniqin: E ka lakmu moti me shti në dorë...

Boksi

Popova për Haxhi Krasniqin: E ka lakmu moti me shti në dorë...

Nga: Kemajl Goca Më: 9 tetor 2020 Në ora: 19:23
Eroll Popova dhe Haxhi Krasniqi

Me drithërima po pritet meçi i Haxhi Krasniqit kundër Dominic Bosel. Ky meç zhvillohet nesër (23.00) për titullin e kampionit të botës në versionin WBA / IBO, në kategorinë gjysmë të rëndë! Fotoreporteri i mirënjohur nga Kosova në Gjermani, Eroll Popova, që jeton e vepron në Magdeburg, e njeh më së miri natyrën e boksierit tonë, Haxhi Krasniqit! Popova flet edhe për peripecitë e tija si fotoreporter, edhe për afërsinë me Krasniqi dhe si e sheh edhe sfidën e madhe kundër Boselit.

“Me Haxhiun kemi kaluar 6 vite këtu në qytetin ku jetoj unë, qe 26 vite dhe është shumë shumë mirë.  Si fitoret dhe si humbjet i kemi baraspeshuar por edhe përpi nëse kemi humb. 

Haxhiu është i vetmi sportist që për të dal unë nga binari i gazetarisë për atë jam Team Krasniqi. 

Image

Fotograf e jo gazetar ku fotografoj me syrin e gazetarit. Ashtu e dijnë edhe kolegët e punës dhe kundërshtari ku për të fatkeqësisht nuk kam simpati private. Kur me ka ra rasti me fotografuar, ky ka boksu e kam trajtuar shumë fer dhe kam bërë foto të shkëlqyeshme kur shpesh me riaktivizonte klubi i SES Sport Event Steinforth, ku edhe Haxhiu është i këtij klubi. 

Image

Unë isha 10 vite fotograf numër 1 i klubit paralel me Gazetën dhe kam kaluar me të gjithë shumë mirë dhe i kam përkrah me profesionalizëm por ishte një herë një foto që u shpallë në gazetë që nuk i konvenoj klubit dhe pastaj u distancova me marrëveshje nga fotografi. 

Tashmë klubi e ka një fotograf tjetër por edhe mua me riaktivizojnë ku cekem fotograf TEAM SES BOXING”, tregon Popova për gazetën kombëtare “Bota sot”. Popova flet edhe për shoqërinë me Haxhiun dhe çfarë pret nesër kundër Bosel. “Sa i përket shoqërisë që e kam me Haxhiun me njohin mirë shumë. Sa i përket lidhjes dhe tashmë ja mbaj anën junikasit ku shpallem fotograf në favor të Haxhiut e jo të ati djalit tjetër që ja kam harru emrin (kundërshtarit Bösel).

Image

Ky nuk ka vetëbesim që të krahazohet me Haxhiun. Po ashtu edhe në stërvitje nuk ka kaçik mu shty me Haxhiun... Kohën e fundit ky djali është  përmirësuar por nuk ka pas kundërshtar me bilanc të fortë. Haxhiu i del me bilanc 50+ meçe.

Haxhiu qysh në meçin e fundit me tha, se këtë po e pret me cek dhe ja kjo ndodhi. E ka lakmu moti me shti në dorë, se në sparing shpesh kishte ky arsyetime pse nuk i dilte në ring. E tash Menaxheri i konvenon (për të cilin kam respekt maksimal dhe shumë e dua Ulf Steinforth) që për shkak të moshës dyshon në forcën e Haxhiut si dhe në fitore, se Bosel që të vërteton njeri kundër - tjetrit se a janë “burra“ a jo. Shpresoj që meçi do të jetë Fair-Play dhe fitore për Haxhiun, që të na e plotëson dëshirën dhe të bëhet kampion i botës pa karrierë amatore, siç s’ka ndodhur më përpara ndonjëherë.  

Besoj në strategjinë e Haxhiut që e vendos me trajnerin por siç ka thënë edhe ky: ose po e rrahu si burrë ose le të me rrah si burrë! Është boks dhe aty me simpati nuk vlerësohem por me grushte, më i miri le të fiton. Haxhiu ka sakrifikuar shumë në boks dhe kjo natë e 10 tetorit do të ishte një natë e madhe për ne të gjithë që të fiton ky, sigurisht do të ishte një ambasador i mirë për ne, për Kosovën dhe sportin tonë.

Pra unë kisha dëshiruar që të motivojmë djalin dhe ti japim mbështetje morale e jo analizë se qysh duhet mu rrah e me godit etj. Është i yni dhe mbetet i yni”, përfundoi Popova.

Shfaq komentet
comments powered by Disqus
Sot mund të lexoni Shfletoni kopertinat