Sportisti i Shekullit, Aziz Salihu, pothuajse është i frustruar me zhvillimet e fundit në sportin e Kosovës, e aq me tepër nuk mund të durojë që sportistët e mëdhenj apo me merita të veçanta, të trajtohen padinjitetshëm, siç është edhe rasti i fundit i legjendës së boksit Xhevdet Peci, i cili nuk merr më shumë se 90 euro pension.
Merret vesh se ‘Zizi’ do t’ia mësyjë zyrës së KOK-ut dhe do të kërkojë edhe sqarime për këtë situatë që po ndodhë me emrat e mëdhenj të sportit.
Salihu mendon se i takon atij ta rrah tavolinën, për shkak se është medalist dhe Sportist i Shekullit, edhe e ka për obligim që t’i mbrojë vlerat e sportistëve.
Ai pritet të ketë takim kokë me kokë me presidentin e KOK-ut, Besim Hasani, të kërkojë sqarime apo llogari prej tij, pse sportistët kanë mbetur në këtë derexhe dhe kush është fajtori në këtë rast! Salihu është i revoltuar!