Ish kryetari i Federatës së Boksit të Kosovës, shpreh keqardhje për legjendën e boksit Xhevdet Peci. Selimi tha se sportistët me vlerë duhet të mbrohen dhe jo siç ka ndodhur me Pecin, ku merr vetëm 90 euro pension!
“Është për keqardhje kur dëgjon për një sportist aq të madh siç ka qenë Xhevdet Peci, që në moshën e tij, pas pensionimit, të ketë një pension vetëm 90 euro.
Është një zhgënjim i madh edhe për gjeneratat e reja, mund ta quaja edhe demomotivim, për ata sportist që pretendojnë të jenë kampiona si Xhevdet Peci. Edhe unë i bashkohem shumicës së atyre reagimeve te figurave sportive, që me të vërtetë është një turp i madh, siç e keni quajtur edhe ju “Babaj i boksit të Kosovës” me ardhur në këtë gjendje, kur dihet se ato para nuk i mjaftojnë as për cigare, e lëre më për gjëra tjera jetësore.
Unë e di se ekziston Ligji per sport, por thërras organet kompentetet gjegjësisht Ministrinë e Sportit, që të mendoj për plotësimi dhe korigjimin e këti ligji me të cilën asat dhe kampionët në të ardhmen mos të gjenden në një situatë si është rasti i Xhevdet Pecit.
Të mbrohen vlerat e sportistëve të dalluar si dhe punëtoret sportivë që kanë dhënë rezultate te larta ne sport.
Çfarë motivi për punë do të kenë sportistët kulminant nëse e kanë fatin e njëjtë sikur Xhevdet Peci. Pra institucionet tona duhet të mendojnë sa më parë të dalin me projekt-propozim te plotësimit te këtij Ligji në të cilin mund të përfitojnë edhe kjo kategori e sportistëve siç është kategoria e sportistëve tjerë që përfitojnë pensione të volitshme, ndonëse jo aq por t'ju afrohen atyre”, thotë Selimi për gazetën kombëtare “Bota sot”.