Aziz Salihu: Marre çka i kanë bë Xhevdet Pecit, ja kush është fajtor dhe ja kush i merr pesë rroga! 

Boksi

Aziz Salihu: Marre çka i kanë bë Xhevdet Pecit, ja kush është fajtor dhe ja kush i merr pesë rroga! 

Nga: Kemajl Goca Më: 28 gusht 2020 Në ora: 13:02
Aziz Salihu: Marre çka i kanë bë Xhevdet Pecit, ja kush është fajtor dhe ja kush i merr pesë rroga! 

Sportisti i Shekullit, Aziz Salihu, është i tronditur kur ka dëgjuar se Xhevdet Peci, emri i madh i boksit nuk merr më shumë se 90 euro pension! Salihu ka folur për gazetën kombëtare “Bota sot”, duke u shpreh i revoltuar për atë çka i ka ndodhur emrit të madh të boksit. 

“Marre çka po ndodhë! Një Xhevdet Peci që kanë marrë medalje ballkanike, mediterani, që ka shkëlqye në ish Jugosllavi, me Prishtinën, me lënë rrugëve, është gjynah. 

Ka me bë çmos që Pecit me ia dhënë një rrogë 400-500 euro, plus ka edhe tjerë boksierë që meritojnë pension të merituar. E kemi një njeri që po bën çmos veç për vete, i vetmi aty që merr veç për vete.

I lutem këtij shtetit që të çohet prej gjumit, se krejt bota e dinë kush ka qenë klubi i boksit Prishtina. 
Kur me ka thënë Peci se ia kanë dhënë pensionin 90 euro, jam çmend bre, marre bre. 

15 vjet kam vrapu për vete,  për me mbroj veten, ndërsa sot Xhevdeti merr një pension 90 euro, gjynah, marre.
Kemi pasur gjashtë – shtatë reprezentues të ish Jugosllavisë veç nga klubi Prishtina dhe që kanë qenë të fortë. 
Gjynah prej Xhevdetit për meritat që ka, me ia dhënë një pension 90 euro, një kampion ish jugosllav, ballkanik dhe i mediteranit. Peci dhe unë kemi qenë në kategorinë e rëndë, na ka njohur krejt bota. 

Është marre ai që po i merr sot pesë rroga, është sekretar në federatë dhe krejt ai e ka bë punën që boksierët mos me mundur me mu shpërblye me pension të merituar.

Unë jam fitues i medaljes së bronztë olimpike, kam fituar dhjetë tituj kampionit të ish Jugosllavisë, e shumë medalje tjera. 
Unë kam qenë tri herë rresht në olimpiadë, 12 vjet në kulmin botëror.  Në Federatë është bërë si mafi, e hoqën nga selektori Xhevdet Pecin veç pse ka punu. Këtu është mafi jo sport, aty veç një Latif Demolli punon, tjerët nuk dijnë çka bëjnë. 

Prej se ka shku Ramadan Selimi nuk ka punë aty. Selimi u largu se i kanë bë dallavere dhe sa ishte ai aty ka bë bum, nuk duhet me ia humb meritat. Ai nuk ndejti aty se dy-te veta kanë bërë çka të dojnë, Mehmet Bogujevci kudo shkonte dhe një Zot e dinë çka ka bë ai. Duhet mu çu krejt me rrëzu federatën, t’ia japin atij që e meriton dhe vlen. Unë do të jem kandidat për kryetar të federatës, por nëse vjen ndonjë milioner, unë ia lëshojë rrugën”, tha Salihu. Ai është i revoltuar edhe për banesë. “Unë jam pa banesë.

Më kanë premtuar se do të më bëjnë banesë dhe kurrë nuk më realizuan kurrë. Më kanë la pa banesë. Shumë shpejt kam mi qit emrat kush me ka tradhtu”, përfundoi Salihu.

Shfaq komentet
comments powered by Disqus
Sot mund të lexoni Shfletoni kopertinat