Kampionia e dyfishtë e botës në artet marciale mikse, Amanda Nunes, do të rikthehet në kafaz në dhjetor të këtij viti, kur do të zhvillohet eventi UFC-256. Në këtë event, sportistja braziliane do të mbrojë titullin kampion të peshës “featherweight” (pesha 61-66).
Përballë “luaneshës” braziliane (20 fitore e 4 humbje) do të jetë sportistja braziliane Megan Anderson (11 fitore 4 humbje në MMA). Nuk dihet ende nëse kjo përballje do të jetë sfida kryesore e eventit UFC-256 (12 dhjetor) apo do të ketë edhe duele të tjera për titull.
Nunes rikthehet të mbrojë titullin në këtë Divizion pas eventit UFC-250, në qershor të këtij viti, kur triumfoi ndaj Felicia Spencer. Sportistja braziliane mban edhe titullin e peshës “bantamweight” (pesha 57-61kg). Nunes nuk humbet në kafaz prej 11 duelesh dhe konsiderohet sërish favorite.