Haxhi Krasniqi – gati për meçin me çekun

Boksi

Haxhi Krasniqi – gati për meçin me çekun

Nga: K.G. Më: 22 gusht 2020 Në ora: 12:28
Haxhi Krasniqi – gati për meçin me çekun

Boksieri i mirënjohur nga Kosova, Haxhi Krasniqi, sonte do të rikthehet në ring kundër çekut Stanislav Eschner.

Meçi do të zhvillohet në ambientet e hapura të “Seebühne Elbauenpark“ në Magdeburg. Krasniqi është i përgatitur maksimalisht dhe në formë shumë të mirë, i cili kërkon fitore. Krasniqi është i gjatë 186.5 centimetra, ndërsa Stanislav Eschner 186.3.  

Krasniqi rikthehet në ring pas më shumë se 15 muajve dhe do të bokson në kategorinë e mëparshme, në gjysmë të rëndë.
Ish-kampioni në EBU në kategorinë super të mesme, (49-6), sonte do të luftojë për fitore.

Krasniqi dy herë ka luftuar për titullin e botës, së pari me Nathan Cleverly (versionin WBO) dhe pastaj me Juergen Braehmer (WBA). Spektakli fillon nga ora 22.30.

Shfaq komentet
comments powered by Disqus
Sot mund të lexoni Shfletoni kopertinat