Para 58 viteve ka qenë në formën më të mirë si boksier! Është Esat Krajkova, ndër të parët boksierë shqiptarë në Kosovë dhe që e kishte veshur fanellën e Prishtinës së artë, në atëkohë (në vitin 1962) quhej Radniçki.
Krajkova ka qenë prej boksierëve më të mirë të asaj periudhe. Pa dyshim që duhet veçuar edhe një fitore të tij në fanellën e klubit prishtinas, kur në atëkohë e kishte shkatërruar me rezultat 16:4 Kabllovin.
“Së shpejti duart e Krajkovës filluan me gjet vendin e duhur, Zhivkoviqi mendjemadh e uli kokën dhe filloi me u ruajt sepse e kuptoi se ka kundërshtar të mirë”, kështu shkruante në vitin 1962 në rubrikën e sportit të gazetës “Rilindja”.

Gazeta Rilindja e vitit 1962, Esat Krajkova në foto
Krajkova kishte treguar luftë të madhe ndaj serbit, duke fituar meçin.
Ai, përveç si boksier, ka qenë edhe si gjyqtar i dëshmuar në boks dhe ka referuar edhe në vitet e pasluftës dhe me shumë sukses.
Është një emër i madh në boks dhe që nuk do të harrohet kurrë, si për nga boksi që ka treguar në ring, po ashtu edhe për nga ndarja e drejtësisë mes boksierëve. Ai është shembull për gjeneratat ardhshme. Sot ka rreth 80 vite, një personalitet i rrallë në sportin e Kosovës.