Historia e boksit të Kosovës është shumë interesante në vitet e 70-ta dhe të 80-ta.
Përveç Prishtinës së madhe që kemi pasur në elitën e boksit ish jugosllav, pesë herë kampione dhe gjashtë nënkampione e atij shtetit që nuk ekziston më, kanë qenë edhe një numër i madh i klubeve të Kosovës në ligën e dytë, si Trepça nga Mitrovica, Prizreni, Gjakova, IMK Çeliku nga Ferizaj, Partizani nga Gjilani. Po ashtu kemi pasur edhe boksierë shqiptarë të Kosovës të shpërndarë në klubet të ish republikave si në Bosnjë, Kroaci, Serbi etj.
Pajazit Alimaj, në vitin 1988 ka boksuar për Sllobodën e Tuzllës, që garonte në ligën e dytë ish jugosllave.

Pajazit Alimaj
Djaloshi nga Prishtina, kur rrihej në ring me serbin Popoviq të Maçvës nga Shabaci, tifozët boshnjakë simpatizonin për të.
Aty raportohet se kanë qenë rreth 2 mijë shikues, duke brohoritur emrin e Pajazitit! Në kategorinë pendël, Alimaj e kishte fituar meçin kundër Popoviqit, ndërsa ekipi boshnjak Slloboda e Tuzllës e kishte mposhtur me 12:8 ekipin serb Maçva nga Shabaci. Më së miri mund ta shikoni videon.