Kastrioti nga Ferizaj në tre takimet e para ka pësuar po aq humbje në Superligën e Kosovës në basketboll (femrat).
Trepça shijon fitoren e parë me rezultat 54:49 (6:10, 17:11,12:23, 19:5) ndaj Kastriotit, në takimin që u zhvillua në palestrën e sportit “Bill Clinton” në Ferizaj.
Në minutën e 30-të, Kastrioti ishte në epërsi me 9 pikë (44:35), por mitrovicaset në çerekun e fundit ishin shumë më të mira, duke përmbysur gjithçka dhe fituan me rezultat 54:49!
Basketbollistja Agnesa Rrahmani ka qenë më e mira të ferizajaset me gjithsej 27 pikë, ndërsa Sihana Ramoja me 18 pikë e Ervala Shabani me 10 sosh, më efikaset të Trepça.
Trepça renditet në vend të tretë me 4 pikë, ndërsa Kastrioti në fund me 3.