Ponte Prizreni reagon ashpër ndaj Qeverisë!

Basketboll

Ponte Prizreni reagon ashpër ndaj Qeverisë!

Nga: K.G. Më: 6 nëntor 2020 Në ora: 19:05
Ponte Prizreni reagon ashpër ndaj Qeverisë!

Klubi i basketbollit Ponte Prizreni reagon ashpër për vendimin e fundit të Qeverisë së Kosovës, që të pezullohen sportet me dorë për këtë fundjavë! 

Reagim me shkas ndaj:  Qeverisë së Republikës Kosovës dhe ministrisë së Shëndetësisë!
KB PONTE PRIZRENI me shqetësim të madh e ka pranuar lajmin mbi mbylljen e aktiviteteve sportive gjatë këtij vikendi, për të vazhduar ato në fillim të javës që vjen.

Qeveria e Kosovës respektivisht Ministria e shëndetësisë duhet të analizojnë mirë ku të bëhet mbyllja apo ku është burimi i infeksionit.

Komuniteti sportiv apo basketbolli ka kryer gjitha paramasat për respektim të rekomandimeve të IKSHP dhe MSH për rikthimin në fushat e basketbollit.

Janë zhvilluar mbi 40 ndeshje zyrtare, dhe nga gjitha këto aktivitete nuk e kemi asnjë rast pozitiv, njëherit nëpër palestra kemi ofruar dezinfektues, numri 50 i pjesëmarrësve nuk është tejkaluar, temperatura për gjithë akterët është matur etj.

Të dashurë udhëheqës shtetërorë, i nderuari ministër z. Zemaj, me vendimin e juaj të fundit të jeni të vetëdijshëm që jeni shteti nr.1 në botë që e ndaloni sportin.

Virusi është ku do në botë, Europë, Azi , Amerikë etj. Por sporti është duke u zhvilluar në gjithë globin (përfshirë disa shtetet me shikues).

Franca është shteti nr.1 në Evropë apo vendi numër 4 në sa i përket rasteve me covid19 por ky shtet gjithë aktivitetin sportiv nuk e ka ndalur për asnjë mënyrë. Të njejtën praktikë janë duke e bërë edhe shtetet fqinje (Shtetet Ballkanik) duke pasur 3/4 herë më shumë raste në dallim nga ne.

Me si klube të Superligës , jemi nën obligime dhe çdo veprim që e bëjmë është në hartim me strategjinë e klubit që si bazë e kemi vitin kalendarik, si kontratat, pagat , etj., 

Një devijim kalendarik mund ta shuajë një klub.
Ju lutemi që në vendimet e ardhshme sportin të mos e apostrofoni si burim infekcioni, ne të gjithë jemi të vetëdijshëm dhe të përgjegjshëm për rrezikun e pandemisë, por gjithmonë me masa e paramasa do dalim me sukses.

Me shpresë që ky reagim do jetë i fundit ndaj Qeverisë , IKSHP, dhe MSH të gjithë qytetarëve të Kosovës i dëshirojmë shëndet dhe ju lusim për respektimin e masave që të gjithë të vazhdojmë ashtu si ishim deri dje”, reagon KB Ponte Prizreni.

Shfaq komentet
comments powered by Disqus
Sot mund të lexoni Shfletoni kopertinat