​40 milionë doza të vaksinës AstraZeneca prodhohen në Indi

Azia

​40 milionë doza të vaksinës AstraZeneca prodhohen në Indi

Më: 12 nëntor 2020 Në ora: 18:08
Foto Ilustrim

Instituti Serum i Indisë, prodhuesi më i madh i vaksinave në botë, njoftoi sot se ka prodhuar 40 milionë doza të vaksinës së mundshme kundërCOVID-19 të kompanisë AstraZeneca.

Ai njoftoi se së shpejti do të fillojë prodhimin e vaksinës së mundshme Novavax.

Të dyja këto vaksina janë ende në pritje të miratimit zyrtar. Prodhuesi indian tha se ka regjistruar 1,600 pjesëmarrës për fazën e fundit të provës së vaksinës AstraZeneca dhe planifikon të kërkojë leje për fazën e fundit të provës së vaksinës Novavax.

Vaksina AstraZeneca, e zhvilluar në bashkëpunim me Universitetin e Oksfordit, është më e përparuara kur bëhet fjalë për testimin e njerëzve në Indi, shton Instituti, raporton Reuters.

Dy kandidatë të vaksinave të prodhuara në vend po zhvillohen gjithashtu në Indi.

Numri i njerëzve të infektuar në Indi arriti në 8.6 milionë, dhe më shumë se 128.000 pacientë kanë vdekur deri më tani.

Shfaq komentet
comments powered by Disqus
Sot mund të lexoni Shfletoni kopertinat