Një nga figurat më të shquara politike palestineze, Saeb Erekat, ka vdekur me Covid-19, thonë zyrtarët palestinezë.
65-vjeçari ndërroi jetë në Qendrën Mjekësore Hadassah në Jeruzalem, shkruan BBC.
Erekat ishte sekretar i përgjithshëm i Organizatës Çlirimtare Palestineze (PLO) dhe një këshilltar i Presidentit të Autoritetit Palestinez Mahmoud Abbas.
Ai ishte negociatori kryesor i Palestinezëve në bisedimet e paqes me Izraelin për dy dekadat e fundit.
Erekat ndihmoi në negocimin e Marrëveshjeve historike të Oslos në 1993, e cila krijoi Autoritetin Palestinez dhe u dha palestinezëve vetëqeverisje të kufizuar në Bregun Perëndimor dhe Rripin e Gazës për herë të parë që kur Izraeli pushtoi territoret në 1967.