EBA: Të vrasësh gruan për çështje nderi nuk do të falet më, ligji i ri parashikon dënime të rrepta

Azia

EBA: Të vrasësh gruan për çështje nderi nuk do të falet më, ligji i ri parashikon dënime të rrepta

Më: 8 nëntor 2020 Në ora: 12:27
Emiratet e Bashkuara Arabe

Emiratet e Bashkuara Arabe kanë ashpërsuar ndëshkimet për vrasjen e grave nga anëtarët e familjes si pjesë e një rregullimi të ligjeve islamike të vendit.

Qeveria e Emirateve të Bashkuara Arabe tha se do të shfuqizonte një ligj që lejonte gjykatësit të lëshonin dënime të buta për vrasje të tilla.

Ato zakonisht përfshijnë vrasjen e grave që perceptohet se kanë sjellë çnderim tek të afërmit.

Krime të tilla do të trajtohen si vrasje nga tani e tutje, tha qeveria e Emirateve të Bashkuara Arabe.

Grupet e të drejtave të njeriut thonë se çdo vit mijëra gra në të gjithë botën vriten sepse vlerësohet se kanë sjellë turp në familjen e tyre.

Vrasje të tilla ndonjëherë quhen "vrasje nderi", por ky përshkrim është kritikuar nga ata që argumentojnë se është një mënyrë e papërshtatshme për të përshkruar vdekjet.

Vendosja e dënimeve më të rrepta për vrasje të tilla tregoi "angazhimin e fortë të Emirateve të Bashkuara Arabe për mbrojtjen e të drejtave të grave", njoftoi agjensia zyrtare e lajmeve WAM.

Sot mund të lexoni Shfletoni kopertinat