Një 103-vjeçar në Pakistan është rikuperuar nga Covid-19 dhe është bërë një nga të mbijetuarit me moshë më të madhe në botë që i mbijetoi sëmundjes, duke mposhtur shanset në një vend me një sistem të dobët shëndetësor, thanë të afërmit dhe mjekët e tij.
Aziz Abdul Alim, banor i një fshati në rajonin malor verior të Sitral, u largua javën e kaluar nga urgjenca e një qendër mjekësore pasi u diagnostikua me koronavirus në fillim të korrikut.
“Ne ishim të shqetësuar për të duke pasur parasysh moshën e tij, por ai nuk ishte aspak i shqetësuar", tha djali i 103-vjeçarit, Sohail Ahmed për Reuters me telefon nga fshati i tij afër kufirit Pakistan-Kinë-Afganistan.
Ahmed - tha, që babai i tyre i tha atij se ai kishte kaluar shumë në jetën e tij dhe se koronavirusi nuk e trembte atë. Megjithatë, atij nuk i pëlqente të ishte i izoluar. Karpentjeri deri në vitet 1970, Alim ka nëntë djem dhe vajza, nga tre martesat që ai ka pasur, tha djali 50-vjeçar i Ahmedit, duke shtuar se babai i tij ishte divorcuar nga gruaja e tij e katërt dhe tani është e martuar me të pestën.
Alim gjithashtu kishte nevojë për mbështetje morale dhe psikologjike gjatë karantinës dhe trajtimit të tij, i tha Reuters doktor Sardar Naëaz, mjeku kryesor në Qendrën Shëndetësore Aga Khan.
Qendra e improvizuar u krijua në një konvikt vajzsh vetëm disa javë përpara pranimit të Alim dhe është e vetmja e pajisur në një zonë me shumë larg nga qendra për të trajtuar pacientët me Covid-19.
Pakistani ka regjistruar më shumë se 270,000 raste të sëmundjes dhe 5,763 vdekje. Ndërsa numri i pacientëve ka rënë gjatë muajit të kaluar, zyrtarët e qeverisë kanë frikë se mund të ketë ringjallje gjatë festimeve të Muslimanëve për Bajram, të cilat fillojnë në 1 gusht.