Analisti nga Amerika Bleron Baraliu në një postim të tij në Facebook thotë se ligjërisht Albin Kurti nuk duhej të kishte të drejtë të kandidoj në zgjedhjet e 14 shkurtit.
Mirëpo sipas tij, në rrethanat që jemi, në brishtësi juridike e funksionale, do të ishte absurd që Albinit t’i mohohet kryesimi i listës.
Andaj, ai bënë thirrje që t’I lejohet Albin Kurti të bëhet kryeministër.
Postimi i plotë:
A duhet të kandidojë Kurti?!
Sikur mos të ishte republikë banana shteti ynë tranzicional, Kurti nuk duhej të kishte të drejtë kandidimi, sepse absolutizmi i objektivitetit të ligjit - përfshi teknikalitete që sfidojnë logjikën dhe etikën - është ndër përcaktuesit me kryeneҫ të demokracisë.
Por, në rrethanat që kemi- brishtësinë juridike, funksionale, dhe praktikë të shtetit Kosovë; rëndësinë politike, pragmatike, dhe simbolike të Albinit dhe VV; si dhe vrazhdësinë dhe represionin evropiano-rus ndaj Kosovës, do të ishte absurde që Albinit t’i mohohet kryesimi i listës...
... edhe pse jam objektivist kryeneҫ kur jemi të funksionimi i ligjit, konsekuencat e privimit të Albinit nga lista mund të jenë enorme, në rrethana kur Kushtetuta/ligjet ende janë në parademokraci - dhe si të tilla fleksibile, ose jashtëzakonisht fluide. Prandaj - lene djalin le t’del kryeministër 😅