Ish-ministri i Kosovës, Enver Hoxhaj përmes një postimi në Facebook, ka zgjedhur fjalët më të mira për presidentin e Kosovës, Hashim Thaçin.
Hoxhaj thotë se Thaçi është rritur mes betejash aspak të lehta, por që sipas tij, ka dal fitues.
Ai thotë se s’ka gjykatë që e dënon të drejtën e një popullit për liri e as udhëheqësit e saj.
Sipas tij, kjo është beteja e fundit për të mbrojtur të drejtën e saj për liri e pavarësi.
“Lufta e UÇK-së ishte mbrojtëse, e drejtë dhe çlirimtare. Nuk ka gjykatë që dënon të drejtën e një populli për liri e as udhëheqësit e saj, që e përmbushën ëndrrën shekullore të shqiptarëve. Kjo është beteja e fundit e Kosovës për ta mbrojtur të drejtën e saj për liri e pavarësi. Presidenti Hashim Thaçi është rritur mes betejash aspak të lehta, por çdo herë fitues sepse u rreshtua në anën e drejtë të historisë. Sikurse e fitoi luftën me UÇK-në dhe ndihmën e NATO-së, do ta fitoj edhe paqen. Historia nuk mund të rishkruhet, e Presidenti dhe Kosova do të dalin edhe më të fortë”, shkruan Hoxhaj, transmeton gazeta “Bota sot”.